Terey Pyaar Pe Ayetebaar Karne Ko Dil Chahne Laga

Terey Pyaar Pe Ayetebaar Karne Ko Dil Chahne Laga,

Phir Se Dil Pe Ek Zakhm Khaane Ko Dil Chahne Laga, 

Maana Ke Tu Mere Hatoon Ki Lakhiroon Mein Nahin Hai,

Phir Bhi Tere Naam Se Badnaam Hone Ko Dil Chahne Laga, 

Zindagi Ke Rang Mujhe Ab Tujhhi Se Lagne Lage Hain,

Har Baar Tujhhi Ko Awaaz Dene Ko Dil Chahne Laga, 

Mehfil Mei Apni Mohabat Ka Iqraar Na Kar Beitein,

Ke Khud Ko Tanhayoon Mein Band Karne Ko Dil Chahne Laga, 

Mohabat Ke Naam Par Dhoke hi Milte Hain Zindagi Mein,

Mujhko Phir Bhi Tumse Mohabat Karne Ko Dil Chahne Laga...

Ahl-e-ulfat ke havaalon pe haNsii aatii hai

Ahl-e-ulfat ke havaalon pe haNsii aatii hai 

lailaa majanuuN ke misaalon pe haNsii aatii hai 

jab bhii taqamiil-e-mohabbat kaa Khayaal aataa hai 

mujh ko apane Khayaalon pe haNsii aatii hai 

log apane liye auron mein vafaa DhuuNDhate hain 

un vafaa DhuuNDhane vaalon pe haNsii aatii hai 

dekhane vaalo tabassum ko karam mat samajho 

unhein to dekhane vaalon pe haNsii aatii hai 

chaaNdanii raat muhabbat mein hasiin thii 'Faakir' 

ab to biimaar ujaalon pe haNsii aatii hai

Sitarey timtimate hain to koi yaad aata hai

Sitarey timtimate hain to koi yaad aata hai

nazarey geet gate hain to koi yaad aata hai

unhain aana nahi wapas magar phir bhi ye hath apne

dua ko jab bhi uth'te hain to koi yaad aata hai

kabni jugnu kabhi tarey kabhi gunchey kabhi badal

hamara dil jalatey hain to koi yaad aata hai

boht koshish se bhi ham uss sitamghar ko nahi bhooley

kaheen bhi dill lagate hain to koi yaad aata hai

abhi ruston mai bikhri hai mehek pehli rifaqat ki

kisi se milne jate hain to koi yaad aata hai

hamari shayri pe abb bhi uski hukmurani hai

ghazal jab bhi sunate hain to koi yaad aata hai

Mujhe Imaan Teri Mohabbato Pe Apne Khuda ki Tarah

Mujhe Imaan Teri Mohabbato Pe Apne Khuda ki Tarah,

Bas Ek Bar Mere Sar Ki Qasam Khao Badal To Na Jaogay.

Tum Jo Door Raho To Manzilain Meri Andhera Hain,

Bas Ek Bar Mujhe Yaqeen Dilao Badal To Na Jaogay.

Aj Tumhari Judai Ka Khoof Maaray Ja Raha Hai,

Faqat Ek Bar Mujko Batlao Badal To Na Jaogay.

Dil Ghuta Ghuta Sa Hai, Ankh B To Purnam Hai,

Mujhe Bas Ek Bar Samjhao Badal To Na Jaogay.

Main kyn na tark-e-ta’aluq ki ibtada karta

Main kyn na tark-e-ta’aluq ki ibtada karta

Wo dur dais ka basi tha, kia wafa karta?

Wo mery zabt ka andaza karny aya tha

Main hans kar zakkham na khata tu kia karta?

Hazaar aina khano main bhi na pa saka

Wo aina jo mjhy khud sy ashna karta

Dar-e-qafs py qayamat ka habs tha warna

Saba sy tera zikar main bhi sun lia karta

Sarey Jahan Ki Khushiyan Uska Naseeb Kar Dey

Sarey Jahan Ki Khushiyan Uska Naseeb Kar Dey 

Hansta Rahe Sada Woh Usey Khush Naseeb Kar Dey 

Kabhi Dil Na Uska Tootey Kabhi *** Woh Na Khaye 

Usko Wafa Ke Ya Rab Itna Qareeb Kar Dey 

Us Ke Labon Par Sada Muskrahtein Hon 

Qismat Mein Us Ke Hansna Mere Habib Kar Dey 

Chal Kar Jahan Bhi Jay Phoolon Ke Raaste Hon 

Manzil Har Khushi Ki Us Ke Qareeb Kar Dey 

Dil Mera Ab Tak Kahan Mutmae'en Hua Hai 

Us Ke Dukhon Ko Ya Rab Mera Naseeb Kar Dey

Usii ek fard k waaste mere dil mein dard hai kis liye

Usii ek fard k waaste mere dil mein dard hai kis liye

meri zindagi ka mutaalba wohi ek fard hai kis liye

jo likha hai mere naseeb mein kahiin tu ne parh tu nhii liya

tera haath sard hai kis liye tera rang zard hai kis liye

woh jo tarq-e-rabt ka ahad tha kahiin tuutne tu nhii laga

tere dil k dard ko dekh kar mere dil mein dard hai kis liye

koii waasta jo nhii raha terii aankh mein yeh nami hai kyuun?

Mere gham kii aag ko dekh kar terii aah sard hai kis liye...!!

khaa’n kho gaii merii zindgii na koii pata na koii khabar

khaa’n kho gaii merii zindgii na koii pata na koii khabar

bhala kya milla humien ishq sey too bhe dar-badar mein bhe dar-badar

wo khizaan key aaney sey paish-tar jhaan baat kartey they baith kar

usii amar-bail xx chaaoun mein koii raah takta hai raat bhar

abhe din charha hai zara zara aey sawaad e shab abhe thehar jaa

abhe kehna chaha tha haal e dil too bhe chal diya mujhey choar kar

na hee dil main hain xxxx chahtien na shikaayatien na adaavatien

to kya yeh aankhien chalak parrien kabhe ho gya jo tera ziker

khaan dhoondtey ho mera pata main wo phool hon jo bikhar chuka

millien ujrrey ujrrey sey baam o dar to yeh sochna key hai mera ghar

tujhe kho key aankhien bahaiyen khoon tujhey pa key bhe na milley sakoon

meri chahatien bhe ajub rahien merey silsiley bhe ajeeb tar

main kahoun xxssi sey to kya khoun hua mujh pey taari ajab fasoun

key sakoot e shab meri zindgii key gham o alam merey humsaffar

jhaan tum they mujh sey khaffa hoye jhaan apney rastey juda hoye

main miloun ga tum ko wohien kahien ussi raah mein ussi moar par

tujhe kya khoun merey hum-nava k bura hua ya bhala hua

kabhe zindgii jo milli mujhey to rahii na baaqii merii umar

bohut mushkil se dil ko ye samjanay niklay hain

bohut mushkil se dil ko ye samjanay niklay hain......

k jin ko apna samja tha wohi beganay niklay hain.......

k jink piyar main humne ,bhula rakha tha duniya ko,

wohi zamany ki khatir hamian thukranay niklay hain........

ab k bar mumkin hay kay, shiad toot jain hum,

hum apne he doston ko aaj azmanay niklay hain.......

rotha he sahi mujse, lakin hay tu wo mera..!

bas yahi soch k ghar se usay mananay niklay hain.......

khabar he nahi jin ko, mohabat kesa jazba hay,

wo qaieday mohabat k hamain seekhanay niklay hain..

hamain maloom hay , lehron ki ravish nahi badli,

mager phir b garonday sahil pe bananay niklay hain......

wo aksar apni khushiyon main masroof rehta hay,

jis k gham main, hum dil-o-jan lutanay niklay hain........

duwa dijiye, humko kay ab k jeet jain hum,

ik mudat bas us shukas ko rulanay niklay hain.........

k jin ko apna samja tha wohi beganay niklay hain........

Aik Lakeer Terey Naam Ki

Aik Lakeer Terey Naam Ki

kuch udaas kuch khamosh 

kuch bebas see lakeerien merey haath ki? 

Dhoondta Rehta hoon aksar in Lakeeron main 

Aik lakeer tere naam ki 

Kuch maloom bhi hey 

Kuch dil bhi janta hey 

Ke in lakeeron main koi lakeer Nahi tere naam ki 

Phir bhi naa jane kion dhondta Rehta hoon 

Aksar ek lakeer tere naam ki 

Aik lakeer terey naam ki....

Agar Kuch Naam Daina Ho

Agar Kuch Naam Daina Ho~~~ 

Agar kuchh naam daina ho

Mujhay insaan matt kehna

Judaa chehray, judaa bay-shak sabhi k naam hotay hai'n

Magar insaaniyat k abb yaha'n per daam hotay hai'n

Mere tum daam matt dainaa

Mujhay ye naam matt dainaa!

Agarr kuchh naam dainaa ho

Mujhay Ehsaas keh dainaa

Magarr Thehro!

Mujhay Ehsaas matt kehnaa

Mera buss naam reh jaay 

Mujhay aisay nahi'n rehnaa

Mujhay Ehsaas matt kehnaa!

Agarr kuch naam dainaa ho

Mujhay Saawan hee keh daina

Magarr thehro!

Mujhay Saawan nahi'n kehna

Barastaa hai magar

Rut kay badaltay, beet jaata hai

Mujhay Saawan nahi'n kehna!

Agar kuchh naam dainaa ho

Mujhay Aansoo hee keh daina

Janam laina kisi ki ki aankh mai'n

Rukhsaar per mernaa

Yehi jis ki haqeeqat hai

Chalo aansso hee keh dainaa

Magarr daikho!

kisi ki aankh mai'n mujh ko kabhi

Aanay nahi'n dainaa

K qeemat aansoo'n ki abb adaa tum se nahi'n ho gee!

Nahi'n tum yu'n nahi'n kehnaa

Mujhay aansoo nahi'n kehnaa

Mujhay aankho'n main'n bastaa ik hasee'n sapna he keh daina

Haqeeqat kuchh nahi'n jis ki

Chalo sapnaa hee keh daina

Ke sapnay aankh mai'n taaro'n ki tarhaa jhilmilaatay hai'n

Magarr thehro!

Mujhay sapnaa nahi'n kehnaa

Ke sapnay toot jaatay hai'n

Mujhay Apnaa Nahi'n Kehnaa

Ke Apnay Rooth jaatay hai'n!

uski yad ka koi lamha sata gaya mujay

uski yad ka koi lamha sata gaya mujay.............

main jo mudaton se chup tha rula gaya mujay.....

ik umer khud se koi bat ki hay maine........

ik umer bad koi mujse mila gaya mujay........

hawaon main urtay urtay,thuk gaya tha shaid...

koi chupke se mari zameen par gira gaya mujay.........

ye kia hoa,sab beetay lamhay lotnay lagay hain....

ye kon mari hi dastan suna gaya muajay.........

main tu apni ana ki qaid main khush bohut tha...

ye kon muj se rehai dela gaya mujay ........

main jo mudaton se chup tha rula gaya mujay.....

jo na hua kabhi ek raat ho gaya

jo na hua kabhi ek raat ho gaya,

chaand ko suraj se payar ho gya,

Chaand niklaa talash main aur kho gya,

chaand k jatay he aasman udas ho gaya,

suraj to jalta he raha intezar me or aag ho gaya

suraj ki khata se chaand k liye andhera ho gaya

chaand ne ki bewafai or tarron k sath ho gaya

silah milah kuch iss tarah dono pe garehan ho gya

Kartay rahay berukhi hamesha k liye

ek bann gya din aur dusra raat ho gya

Kar Na Sake Hum Pyaar Ka Sauda Keemat Hi Kuch Aisi Thi

Kar Na Sake Hum Pyaar Ka Sauda Keemat Hi Kuch Aisi Thi

Jeeti Baazi Haar Gaye Hum Kismat Hi Kuch Aisi Thi

Koi Na Samjhe Koi Na Jaane Kaisi Yeh Majbbori Hai

Paas Hain Ek Dooje Ke Kitne Phir Bhi Kitni Doori Hai

Aankhon Main Aansu Ke Hain Qatre Hoton Pe Khamoshi Hai

Hans Na Sake Hum Ro Na Sake Hum Halat Hi Kuch Aisi Thi

Kar Na Sake Hum Pyaar Ka Sauda Keemat Hi Kuch Aisi Thi

Jeeti Baazi Haar Gaye Hum Kismat Hi Kuch Aisi Thi

Ek Taraf Hai Pyaar Ka Daaman Ek Taraf Hai Farz Mera

Soch Rahi Hoon Kaise Mitaoon Aaey Zindegaani Karz Tera

Dekho Zara Kis Morr Pe Laaye Yeh Zalim Halaat Humain

Hum Ko Mili Na Tum Ki Mili Woh Chahat Hi Kuch Aisi Thi

Kar Na Sake Hum Pyaar Ka Sauda Keemat Hi Kuch Aisi Thi

Jeeti Baazi Haar Gaye Hum Kismat Hi Kuch Aisi Thi

Tum aksar sochtay hogay

Tum aksar sochtay hogay

Ham tujhain yad nahi kartay

Tumhain ham bhool jatay hain

Magar yeh Bhool tumhari Hai

Asal main baat kuch youn hay

Keh Jab Tum Yaad Atay Ho

To kuch bhi yaad nahee rehta

Aur tumhari yaad main kho kar

Batana bhool jatay hain

Hamain tum yaad aatay ho

Tum aksar yaad aatay ho

Kyu Akela Chor Diya ??

Kyu Akela Chor Diya ??

Kyu Rulaate Ho Mujhe ?

Kyu Bhool Jaate Ho Mujhe?

Tere He Sahaare To Jee Rahe Hain Hum..

To Phir Kyu Akela Chor Jaate Ho ?

Har Baat Ko Chupana Ataa Hai Tumko,

Roothon Ko Manana Ataa Hai Mujhe.

Roothe Ho Tum Na Jaane Kis Baat Par Mujh Se…

To Phir Wo Baat Kyu Nahi Bataate Ho Tum Mujhe?

Jaan Jaati Hai Meri

Jab Yaad Aati Hai Tumhari

Tum To Mujhe Bhula Dete Ho

To Phir Kyu Yaad Aate Ho Mujhe?

Hum Jeene Ke Bahaane Marte Rahenge

Pyaar Hum Tumse Karte Rahenge

Pyaar To Tum Bhi Karte Ho Na

To Phir Kyu Yu Sataate Ho Mujhe?

Ya Keh Do Zeher Peene Ko

Ya Kaho Phir Mujhe Jeene Ko

Agar Mere Saath Main Nahi Chalna Tha Tum ko

To Phir Kyu Mujhe Raasta Zindagi Ka Dikhaya ?

Beech Raaste Main Kyu Is Tarah Akela Chodh Diya?

Kaho …

Kuch Tho Kaho

Kyu Akela Chor Diya

tum ne poocha k dukh kia hota hai

tum ne poocha k,

dukh kia hota hai,

to suno,

aisa kern

kabhee kisi ko chahna,

or chahtey hee rehna,

din bhar us ko sochtey hee rehna,

jagtee ankhoon se us k sapney

dekhtey hee rehna,

apney haathon ki lakeeron mein us ka

naam tarashtey hee rehna,

or jab kabhee woh,

in riazaton ka hisaab mangney ko,

saamney aaye to,

tum ana ka haath thaam lena,

agar woh kuch kahay to,

muskura ker anjan ban jana,

or jab woh mayoos ho ker laut jaye to,

apney ander jhaankna,

or khud se poochna,

tub tumhara dil

tumhein bata day ga k,

dukh kisey kehtey hain,

dukh kia hota hai... .. . !!!!!!

Ajnabi c Raho Ka Ek Ajnabi Musafir

Ajnabi c Raho Ka Ek Ajnabi Musafir......

ajnabi ajnabi si rahon ka ek ajnabi musafir ....

mujh se pooch betha hai ...

rasta bata doge ????

ajnabi ajnabi si rahon ke ..

ajnabi musafir sun!!!!

rasta koi bhi ho ...

wasta koi bhi ho ...

manzilein nahi miltiiin ....

manzilein to dhoka hein ..

manzilein jo mil jaein ..

justujoo nahi rehti ..

zindagi ko jeene ki arzoo nahi rehti

dayar-e-gair mein kaise tujhe sada dete

dayar-e-gair mein kaise tujhe sada dete

tu mil bhi jata to tujhe ganwa dete

tumhin ne ham ko sunaya na apna dukh warna

dua wo karte k ham asman hila dete

hamein ye zom raha ab k wo pukarenge

unhen ye zid thi k har bar ham sada dete

wo tera gam tha k tasir mere lahje ki

k jis ko hal sunate use rula dete

tumhen bhulna hi awwal to dastaras mein nahin

jo ikhtiyar bhi hota to kya bhula dete

tumhari yad ne koi jawab hi na diya

mere khayal k ansu rahe sada dete

samton ko main ta-umr kosta Syed

wo kuch na kahte magar honth to hila dete

Bas Ek Waqt Ka Khanjar Meri Talaash Main Hai

Bas Ek Waqt Ka Khanjar Meri Talaash Main Hai

Jo Rooz Bhes Badal Kar Meri Talaash Main Hai

Main Qatraa Hoon Mera Aalag Wajood Tu Hai

Howa Karay Jo Samandar Meri Talaash Main Hai

Main Dewata Ki Tarhan Qaid Apnay Mandir Main

Woh Merey Jism K Bahar Meri Talaash Main Hai

Main Jis K Haath Main Ek Phool Day K Aaya Tha

Ussi K Haath Ka Pathar Meri Talaash Main Hai

soo bar chaman mehka soo bar bahar aayi

soo bar chaman mehka soo bar bahar aayi...

dunia ki wohi ronaq, dil ki wohi Tanhai... 

ik Lehza bahy ansoo, ik Lehza hansi ayi...

seekhy hain naey dil andaz-e-shikebai... 

her dard-e-muhbt se oljha hai gham-e-hasti...

kia kia hmen yad aya jab yad teri aayi... 

chrky wo diey dil ko mehroom-e-kismat ne...

ab Hijar bhi Tanhai or Wasal bhi Tanhai... 

Pheli hai fizaoon mn is trha teri khushboo...

jis simt nazar othi awaz teri aai 

Jalwoon k tmannai...

jalwon ko trasty hain taskeen ko rooen ge jalwoon k tmanai... 

Dekhey hain boht hm ne Hangamy muhbt ke...

Aghaz bhi ruswai, anjam bhi ruswai... 

Ye Bazm-e-Muhbt hai Is Bazm-e-Muhbt main...

Deewany bhi shedai Farzany bhi shedai...

Aik baar ker k aitbaar likh do

Aik baar ker k aitbaar likh do

Kitna hai mujh se pyar likh do

Kat'ti nahi ye zindgi ab binn tere

Kitna karon aur intzaar likh do

Taras rahe hain hum bari Muddatt se

Iss bar apni muhabbat ka izhaar likh do

Deewane ho jayen jisse perh k hum

Kuch aisa tum mere yaar likh do

Zyada nhi likh saktey to mat likho Magar!

Muhabbat bharey Lafz Do, Chaar likh do

Aik baar likho Muhabbat hai mujhe tum se

Phir ye he jumla tum baar baar likh do

kaha tha kis ne ke ahad-e-vafa karo us se

kaha tha kis ne ke ahad-e-vafa karo us se

jo yon kiya hai to phir kyon gila karo us se

ye ahl-e-baz tunak hausala sahi phir bhi

zara fasana-e-dil ibtida karo us se

ye kya ke tum hi gam-e-hijr ke fasane kaho

kabhi to us ke bahane suna karo us se

nasib phir koi taqrib-e-qarb ho ke na ho

jo dil main hon vahi batain kiya karo us se

'Faraz' tark-e-ta'alluq to khair kya hoga

yahi bahut hai ke kam kam mila karo us se

Chaha To Buhat Tha Lakin Wo Mila Hi Nahi

Chaha To Buhat Tha Lakin Wo Mila Hi Nahi

Lakh Koshish Ki Lakin Yeh Fasla Mita Hi Nahi

Na Jany Zamany Ne Majbor Is Qadar Kardiya

Key Wo Meri Kisi Sada Pe Tehra Hi Nahi

Main Tamam Tarr Koshishon K Bawajod HaaR Gaya

Wo Ussey Mil Gaye Jisne Ussey Manga Hi Nahi

Her Ek Se Pocha Tere Na Milny Ka Sabab

Her Ek Ne Kaha Wo Tere Liyeh Bana Hi Nahi

Itni Shiddat Se Chaha Tha Usko

Is Duniya Main Shayad Wafa Ka Sila Hi Nahi

Jo khudh se bhi na keh paayi

Jo khudh se bhi na keh paayi

teri mohabbat ek saza hai

yeh aaj samajh main aayi

Kyun main tujhe khudhse

Juda nahi kar paati

Kyun teri yaadein ab

Dil se door nahi jaati

Kyun meri hansi ab

Labon pe khatum ho jaati

Kyun har umeed mujhe

Teri orr kheench laati

Pyar ki yeh kaisi keemat

Tu mujh se le raha hai

Kya mujh se itni nafrat

Jo har lamha gham de raha hai

Ab tu hi bataa

Keh mera kasoor kya hai

Tujh se mohabbat kar ke

Maine kya jurm kiya hai

Ab To Bas Tujko Bhulna hai

Ab To Bas Tujko Bhulna hai..

kuch b karke bhulna ho ga,

Tumhari Khushi Wo Hai To Meri Khushi bhi wohi ho ghi..

Tum Kuch bhi karo, kuch bhi kaho, main kabhi khafa nei hun gi,

Rishta to hai hi humara, Main isi rishtey main Khush Hun,

Ye Sab kehna Ajib Lag Raha hai, Par Aaj Ye Kehna Zaruri ho gaya,

Tujko bhulne ka tarika yehi hai, 

Main tujse wada karti hun,

Aaj ke baad Main Kabhi beete palon ka zikar nei karun gi,

Jo kuch Hua hai, Main unhey Aapne Aap main Chupa **** gi.. !

Jaise kisi ki lash ko kafan main dal kar dafnate hain

waise hi In Beete Palon ko dafna dun gi..

Tum khafa kyu'n ho..??

Tum khafa kyu'n ho..??

tumhe'n mujh se gilla kiya hay..??

achanak be'rukhi itni..??

batao to huva kiya hay..??

manao'n kis tarah tum ko..??

mujhe itna to batla do

agar ab ho sake tum se

to ye ehsaan farmado

meri manzil MUHABBAT hay

mujhe manzil pe poncha do

tumhari aankh me aanso'n

mujhe ache nahi lagte

tumhare narm honto'n pe

gille ache nahi lagte

tumhare muskurane se

mera DIL muskurata hay

tumhare ruth jane se

mera DIL toth jata hay

main aksar sochta ho'n ye

k tum kyu'n DIL me baste ho..??

koi ti baat hay tum me

jo itne ache lagte ho

WAFA k rang me dekho

jafa achi nahi hoti

kisi se ISHQ me itni

ANNA achi nahi hoti

chalo ab maan bhi jao

boht ab hochuki ranjish

kisi din or karlena

ye puri apni tum khwaish

faqat kehne ki baate'n hay

nabhata kon hay kis ko

chalo ab dekh lete hay

muhabbat kon karta hay...???

KOI MOUL NAHI HAI WAFAOON KA MERI

KOI MOUL NAHI HAI WAFAOON KA MERI

AB HAR AARZOO HAI BIKHRI HOEI MERI

JAB SE HOEI HAI MOHABBAT TUM SE

NUM REHTIEN HAIN ANKHAIN MERI

HAR TARAF MEHSOOS HOTA HAI AIK EHSAAS

RUKI RUKI SI HAIN AB SAANSAIN MERI

CHALTAY CHALTAY RAASTA KHO GAYA HAI

KHAMOSH HOGEI HAI AB MANZIL MERI

SAB MEIN REH KER BHI AKAELI HOON

AB TU ZINDAGI BANI HAI TANHAI MERI.

Hasrat hai tumhari deed karein

Hasrat hai tumhari deed karein

Tum aao to hum bhi Eid karein!!!

Kuch dair to dil ko chain mille

Kuch roz to mann ka phool khile

Kehte hain Eid ki aamad hai

Ab log bhi kuch taeed karein

Tum aao to hum bhi Eid karein!!!

Tum se yeh aik guzarish hai

Yeh apne dil ki khwahish hai

Aik baar milo,aik baar milo

Har baar yahi takeed karein

Tum aao to hum bhi Eid karein!!!

Jab gham ke baadal chaaye they

Uss waqt bhi tum na aaye they

Iss baar bhi tum nahi aaye ho

Sab dushman yeh tanfeed karein

Tum aao to hum bhi Eid karein!!!

Maana ke hum deewane hain

Sab baaton se anjaane hain

Jab apne hi begaane hain

Kya ghairon se umeed karein

Tum aao to hum bhi Eid karein!!!

Kabtak Mere Jazbaat Ko Ruswa Karogey Tum

Kabtak Mere Jazbaat Ko Ruswa Karogey Tum,

Jab Hum Hi Na Hongey To Bolo Kya Karogey Tum?

Jaa Rahi Hoon Door Tumsey Is Yaqeen Ke Saath,

Mera Pata Har Ajnabi Se Poocha Karogey Tum.

Khaogey Jis Dam Fareb Raah-E-Ishq Me,

Wafa Se Lipat Kar Meri Roya Karogey Tum.

Aayee Jo Tumhe Kabhi Beetey Dinon Ki Yaad,

Tanhaee Se Bhi Guftgu Kiya Karogey Tum.

Khwab Ki Ishq Me Ye Shart Kyon Bhala?

Kya Koi Phir Naya Sauda Karogey Tum?

Mat poocho ye mujhse ke kab yaad aate ho

Mat poocho ye mujhse ke kab yaad aate ho

Jab jab saansein chalti hain bahaut yaad aate ho

Neend mein palkein hoti hain jab bhi bhari

Banke khwaab baar baar nazar aate ho

Mehfil mein shaamil hote hain hum jab bhi

Bhird ki tanhayon mein her baar nazar aate ho

Jab bhi socha ke faasla rakhoon main tum se

Zindagi ban ke saanson mein sama jaate ho

Khud ko toofaan banaane ki koshish to ki

Ban ke saahil apni aagosh mein sama jaate ho

Chaha na tha main ne is paheli mein uljhna

Her uljhan ka jawab ban ke ubhar aate ho

Suraj ki roshni,chanda ki chandni

Aasmaan ko dekhta hoon main jab jab

Tumhari kasam bahaut bahaut yaad aate ho

Ab na poochna mujhse ke kab kab yaad aate ho

Kathin andheron ki reh-guzar pe chiragh-e-subha jala jala k

Kathin andheron ki reh-guzar pe chiragh-e-subha jala jala k

Qasam se ankhen bhi thak gai hain,

tumhare ansu chupa chupa k

ye kya khabar thi k 1 chehre se kitne chehre kasheed hon ge 

mey thak gaya hun tmhare chehron ko aeene mey saja saja k

Hum itne saada mizaj kab the,Magar sarabon ki reh-guzar pe

Faraib deta raha zmana,

Tmhari surat dikha dikha k,

Ajab tanasub se zehn-o-dil me khayal taqsem ho rahe hain,

Magar mohabt si ho gai hai,

Tumhein mohabt sikha sikha k

Hounto Pe Hunsi Dekh Li Dil K Ander Nahe Dekha

Hounto Pe Hunsi Dekh Li Dil K Ander Nahe Dekha

Aap Ne Mere Ghamoo Ka Samounder Nahe Dekha

Kitne Khoub Sourat He Ye Duniya Ye Dekha He Aap Ne

Ji Ji K Marney Waloh Ka Manzer Nahe Dekha

Sheeshay Ka Makaan Tu Ne Bana To Liya He Dost

Laiken Waqt K Hath Ka Pahter Nahe Dekha

Rishtovn K Totney Ka Dard Tum Kiya Jano

Wo Lamha Tum Ne Kabhi Ji Kar Nahe Dekha

Bahtkey Roshni Ki Talash Mein Na Jane Kaha Kaha

Afsoos K Apne Rooh K Ander Nahe Dekha

Manzil saamne thi - magar hum ruk gaye

Manzil saamne thi - magar hum ruk gaye

Mil Jaati to shayad thodi Khushi Hoti

Magar Dard Se Gumnam Ka Rishta Purana Hai

Zindgai Ka Kya - Yeh to bus aana Jana Hai

Manzilon Ka Kya - Hume to bus Gumnamiyon mein kho Jaana Hai

Toot te hain jub khwab to Dukh Hota Hai

Magar Ishq ki Deewange mein bhi ek ajeeb sa sukh hota hai

jo sakoon jhundte hain woh ishq nahin karte

Meri Jaan Sacche Aashiqon Ke khwab kabhi nahin marte

Na jaane hum kab se ghum pei rahe hai

Apne zakhmon ko meh se si rahe hain - yeh hamare dil se pucho ke kaise hum jee rahe hain -

Manzil ka kya - yeh to aana jaana hai

Kabhi Khusi Kabhi Dard

Tamana hai mil jaye woh - yeh apna khwab bahut purana hai

Zindagi ka kya - Yeh to bus aana jaana hai